حـفيـظ ڪـاردار
حفيظ ڪاردار
حـفيـظ ڪـاردار: پـاڪـسـتان ڪـرڪيـٽ ٽـيـم جـي اڳـوڻـي ڪـپـتـان، آل رائونڊر حفيظ ڪاردار 17 جنوري 1925ع تي لاهور ۾ جنم ورتو. هن جو اصل نالو عبدالحفيظ هو. شروعاتي تعليم اسلاميه هاءِ اسڪول ڀائي گيٽ، اسلاميه ڪاليج، گورنمينٽ ڪاليج ۽ ديال سنگهه ڪاليج مان حاصل ڪيائين. اعليٰ تعليم لاءِ آڪسفورڊ يونيورسٽيءَ ۾ داخل ٿيو ۽ تعليم حاصل ڪرڻ دوران پاڪستان اسٽوڊنٽس فيڊريشن جو بنياد وڌائين. ڪرڪيٽ جو شوق تعليم حاصل ڪرڻ واري زماني دوران ٿيس. 1943ع ۾ ارڙهن سالن جي عمر ۾ نادرن انڊيا طرفان فرسٽ ڪلاس ڪرڪيٽ کيڏڻ لڳو. هو ليفٽ آرم سلو بالر ۽ ليگ اسپنر هو. هيءُ کاٻي هٿ سان بيٽنگ ڪندو هو. هن کي گڏيل هندستان ۽ پوءِ پاڪستان ٻنهي ملڪن جي طرفان راند کيڏڻ جو اعزاز حاصل رهيو. 1940ع ۾ پنجاب يونيورسٽيءَ جي ڪرڪيٽ ٽيم جو ڪپتان ٿيو. 1951ع ۾ ڪپتان جي حيثيت سان ايم سي سي جي مضبوط ٽيم کي شڪست ڏنائين، جنهن جي نتيجي طور پاڪستان کي ٽيسٽ ڪرڪيٽ کيڏڻ جو درجو مليو. 1952ع ۾ ڀارت جي پهرئين سرڪاري دوري تي هن ٽيم جي قيادت ڪئي. هن لکنوءَ جي ٻي ٽيسٽ ۾ پنهنجي ٽيم کي فتح ڏياري. 1952ع کان 1958ع تائين ڪل 23 ٽيسٽ ميچن ۾ هيءُ ڪپتان ٿي رهيو. جنهن دوران پاڪستاني ٽيم سڀني ملڪن کي شڪست ڏني. هن کي شاندار ڪارڪردگي جي اعتراف طور 1957ع ۾ حسن ڪارڪردگي جو صدارتي اوارڊ ڏنو ويو. 1972ع کان 1977ع تائين پاڪستان ڪرڪيٽ ڪنٽرول بورڊ جو صدر رهيو. 1972ع ۾ پيپلز پارٽيءَ جي ٽڪيٽ تي پنجاب اسيمبليءَ جو رڪن منتخب ٿي وزير تعليم مقرر ٿيو. ان کان پوءِ سوئزرلينڊ ۾ پاڪستان جو سفير نامزد ٿيو.
هن هيٺيان ڪتاب تصنيف ڪيا: (1) اردو قاعده، (2) Test Status on Trail، (3) Oreen Shadows، (4) Memories of Allrounder.
هيءُ 24 اپريل 1996ع تي لاهور ۾ وفات ڪري ويو.
لفظ حفيظ ڪاردارھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1925.01.17 عيسوي
پـاڪـسـتان ڪـرڪيـٽ ٽـيـم جـي اڳـوڻـي ڪـپـتـان، آل رائونڊر حفيظ ڪاردار 17 جنوري 1925ع تي لاهور ۾ جنم ورتو.
1996.04.24 عيسوي
هيءُ 24 اپريل 1996ع تي لاهور ۾ وفات ڪري ويو.
شخصيتون - ڀاڱي جون ٻِيون داخلائون
راڄو ليکيرسول بخش بروهي
سيد موٽيل شاهه سبزواري
مخدوم سجاد حسين قريشي
ابوالقاسم نمڪين
پيرزادو واحد بخش عاشق
ٺوڙهو نواب خير محمد خان
رام رسيلا
ابڙو شيخ ھالاڻي
حبيب الله حبيب شهدادڪوٽي